Pas Danimarkës, edhe Austria planifikon marrëveshje që të burgosurit të vuajnë dënimin në Kosovë

Qeveria austriake planifikon marrëveshje për transferimin e kriminelëve të dënuar nga vendet joanëtare të BE-së për të vuajtur dënimin në Kosovë.

Ministri i Brendshëm austriak Gerhard Karner, i cili të hënën mori pjesë në një konferencë për migracionin në Kopenhagë, diskutoi këtë ide me ministrin danez të drejtësisë Peter Hummelgaard.

“Objeksionet e paraburgimit si ato të planifikuara nga Danimarka në Kosovë janë gjithashtu pjesë e planit austriak të kancelarit federal Karl Nehammer”, tha më pas Karneri.

Në dhjetor 2021, Danimarka nënshkroi një marrëveshje me Kosovën për të dërgimin e 300 të burgosur të dënuar me dëbim, në një periudhë deri në 10 vjet – në këmbim të 210 milionë eurove.

Megjithatë, marrëveshja ende nuk është miratuar nga Parlamenti i Kosovës.

“Ne duam të intensifikojmë më tej bashkëpunimin midis vendeve tona në fushën e sigurisë dhe luftës kundër krimit të organizuar”, tha Karner, shkruan Politico.

Në konferencën e migracionit, mbi 250 liderë politikë dhe organizata ndërkombëtare diskutuan zgjidhjet përmes partneriteteve me vendet jashtë BE-së për të menaxhuar ardhjet e refugjatëve dhe për të lehtësuar kthimet.

Kritikët thonë se planet e dëbimit minojnë rregulloret e azilit në BE dhe shkelin të drejtat e njeriut.

Karner, një adhurues i modelit të Ruandës, ka kërkuar më parë një ndryshim në “rregulloret e BE-së” për të lehtësuar dëbimet nga vendet e BE-së.