Liderët shkelin ligjin për Nënë Terezën (Video)

Asnjëri nuk pranoi që të qëndroj në Kosovë, ditën kur Nënë Tereza u shenjtërua në Vatikan nga Papa.

Të tre: presidenti Hashim Thaçi, kryeministri Isa Mustafa e kryeparlamentari Kadri Veseli shkuan në Selinë e Shenjtë në Vatikan për ta përcjellë ceremoninë e shenjtërimit, pavarësisht se ligji nuk e lejon që ata të jenë në të njëjtën kohë jashtë shtetit.

Kështu, të tre e shkelën protokollin shtetëror.

Ligji për protokollin e Shtetit të Republikës së Kosovës, saktësisht, kreu IV që flet për ceremonialin  zyrtar të autoriteteve të larta të shtetit, e definon qartë çështjen e koordinimit të liderëve gjatë udhëtimeve jashtë vendit. /TribunaChannel/