Çfarë shkruante në fletoren e infermieres së rastit Dehari, sipas Dardan Molliqajt! (Video)
Dardan Molliqaj i Lëvizjes Vetëvendosje, ka treguar se çka shkruante në fletoren e shënimit të infermieres së rastit Dehari.
Siç tha Molliqaj, ndonëse thuhej se Astrit Dehari ka vdekur nga asfiksia, në fletoren e infermieres shkruante se ai kishte puls dhe frymëmarrje normale edhe pasi ishte dërguar në ambulancë, shkruan rtv21.tv
“Në orën 15:00 shkoj nalt në krahun A i burgosuri Astrit Dehari, ka tentu vetëvrasje, menjëherë thirret urgjenca, të burgosurit e sjellin në ambulancë në 15:05, 15:10 vjen urgjenca, i burgosuri ishte i shtrirë në dhomë, kishte masë vjellje, pulsin dhe frymëmarrjen normale”, tha Molliqaj duke cituar infermieren.
Kujtojmë se aktivisti i Lëvizjes Vetëvendosje, Astrit Dehari vdiq më 5 nëntor, në burgun e Prizrenit në rrethana ende të paqarta, ku po mbahej në paraburgim nën dyshimin se kishte marrë pjesë në sulmin ndaj Kuvendit të Kosovës.
