Lekaj kërkon unitet mbarëshqiptar këtë 28 Nëntor
Shefi i Grupit Parlamentar të AAK-së, Pal Lekaj u ka uruar të gjithë shqiptarëve ditën e flamurit, 28 Nëntorin.
Ai ka kujtuar se 28 Nëntori shënon edhe ditëlindjen e komandantit legjendar të UÇK-së, Adem Jashari.
Lekaj ka thënë se duhet qenë të pandarë dhe unikë për të punuar në të mirën e vendit duke i ruajtur vlerat e së kaluarës për një të ardhme të sigurt.
Ky është postimi i tij i plotë:
Në prag të datës së madhe, 28 Nëntorit shqiptar, ju uroj të gjithëve për këtë ditë, e cila përveçse simbolizon shpalljen e pavarësisë së Shqipërisë, është edhe ditëlindja e komandantit legjendar, Adem Jashari dhe dita e prezantimit publik të Ushtrisë Çlirimtare të Kosovës.
Pra, kjo datë nënkupton unitet për popullin shqiptar, kudo ku jetojnë e veprojnë!
Unikë e të pandarë me mendje, më zemër e me vepra për të mirën e kombit tonë, që t’i bëjmë ballë furtunave të kohës, duke mbrojtur vlerat tona të së kaluarës për të pasur të ardhme të sigurt.
Urime, 28 Nëntori!
Lavdi të gjithë heronjve – dëshmorë të kombit!