Demolli për FSK-në: Në aspektin ligjor, ne e kemi kryer punën tonë
Ministri në largim i Forcës së Sigurisë së Kosovës, Haki Demolli, në Magazinën Zgjedhore të Klan Kosovës, ka shpjeguar planin e Lidhjes Demokratike të Kosovës për transformimin e Forcave të Sigurisë së Kosovës në ushtri.
Ai ka deklaruar se deri tani është punuar në dy dimensione – aspektin ligjor dhe atë planifikues – por se Kosovës i duhet edhe ndihma e miqve për ta bërë këtë lëvizje.
“Transformimi i FSK-së në ushtri ka qenë prioritet për ministrinë, por edhe për qeverinë. Ne kemi bërë cfarë kemi mundur, nisur nga rrafshi ligjor, deri tek ai planifikues. Në aspektin ligjor, ne e kemi kryer punën tonë”.
“Ëshët punuar edhe në përgatitje për procesin e transformimit. Por për t’u ndryshuar kushtetuta është dashur shumica e dyfishtë. Ndërsa me opozitën kemi pasur bashkëpunim të shkëlqyeshëm në këtë sferë”.
“Ishte iniciativë e presidentit për t’i zgjedhuar kompentencat e FSK-së, në bazën ligjore. Ne si LDK e kemi dashur këtë gjë, por kemi dashur që kjo punë të kryhet në bashkëpunim me faktorin ndërkombëtar”.
“Procesi i transformimit në ushtri pritet të zgjasë dhjetë vjet. Ndërsa buxheti duhet të jetë rreth 800 milionë, i shtuar përpjestimisht, secilin vit – për 5 mijë ushtarë aktiv. Fatmirësisht nga armata e sistemit të kaluar kemi trashëguar ambiente të mjaftueshme”.
