Lekaj: Haradinaj i ka numrat, qeveria bëhet në korrik (Video)
Aktuale
June 21, 2017 - 20:16
Anëtari i Kryesisë së Aleancës për Ardhmërinë e Kosovës, Pal Lekaj, ka thënë se koalicioni PAN, pjesë e të cilit është AAK, është i gatshëm ta bëjë qeverinë brenda muajit të ardhshëm.
Ai ka thënë në RTV Dukagjini se PAN, që kandidat për kryeministër ka Ramush Haradinajn, i ka numrat për formimin e qeverisë së re, por megjithatë i ka bërë kërkesë për koalicion edhe Lidhjes Demokratike të Kosovës.
Sipas Lekajt, nëse LDK dhe Lëvizja Vetëvendosje nuk i bashkohen PAN'it, Haradinaj do ta bëjë qeverinë me numrat që ka.
