Ja kujt ia dedikon fitoren Anton Quni (FOTO)
Deputeti i LDK-së, Anton Quni, ia ka dedikuar suksesin e tij ish-deputetit të ndjerë të LDK-së, Agim Kikajt.
Quni sot fitoi edhe një mandat si deputet duke u futur në mesin e më të votuarve në koalicionin LAA, ndërsa pas këtij suksesi ka treguar një takim me djalin e Agim Kikajt, që ndërroi jetë në prag të zgjedhjeve.
Postimi i plotë i Qunit:
Të nderuar qytetar!
Ende i kam të freskëta në kujtime porosit, këshillat, ëndërrat, dëshirat por edhe qortimet nga gjithë qytetarët anekënd Republikës së Kosovës.
Të gjitha ato takime, biseda e shtrëngime të duarve, më në fund rezultuan me besim edhe më të fuqishëm.
Në një rast solemn gjatë fushatës, më kujtohet një moment kur takova Altin Kikën, të birin e deputetit të ndjer, Agim Kikaj, i cili ndërroj jetë në prag të zgjedhjeve.
Altini më shtrengoj dorën dhe më uroj suksese, edhe pse me merzinë e tij, u mundua të buzëqesh. Ishte emicionuese, por unë i premtova se fitoren do ja dedikoj babit tënd, Agimit.
Pastaj, Altini më shtrëngoj dorën edhe më fort dhe buzëqeshi më shumë. Andaj, të gjithë ju që më dhat besimin, me bekimin Tuaj, më lejoni që këtë fitore të ja dedikoj, Agim Kikës, njeriut që në momentet më të veshtira na dhuronte buzëqeshje.
Falemnderit Kosovë!
