LDK formon grupe punuese për dialogun dhe platformën zgjedhore
Lidhja Demokratike e Kosovës në krye me Isa Mustafën sot ka mbajtur takim me Grupin Parlamentar të LDK-së me c`rast kanë është diskutuar për dialogun si dhe për krijimin e mocionit për rrëzimin e qeverisë, shkruan “Zëri.info”.
Përmes një njoftimi për media kjo parti ka bërë të ditur se kanë krijuar edhe dy grupe punuese një për dialogun dhe një për platformën zgjedhore.
LEXO EDHE: LDK-ja paralajmëron mocion për rrëzimin e qeverisë ‘Haradinaj’
Kjo është komunikata e plotë:
Pas takimit të kryetarit të LDK-së, Isa Mustafa me Grupin Parlamentar, me ç’rast u diskutua për gjetjen e një rruge të përbashkët për rrëzimin e qeverisë, është takuar kryesia e LDK-së.
Çështja e dialogut mbetet temë kryesore e kryesisë së LDK-së, me ç’rast u formua një grup punes për Platformën e dialogut, e cila jep korniza të qarta se si duhet të vazhdohet me dialog.
Poashtu gjatë takimit të kryesisë u formua edhe një grup punes i cili do të punoj rreth platformës zgjedhore.
LDK-ja mbetet e përkushtuar që vendi të shkoj sa më shpejt në zgjedhje dhe të përmbushen të gjitha interesat e qytetarëve të Kosovës. /ZËRI
