Abdixhiku: Në Kosovën e PAN-it, 200 milionë euro të shpërdoruara për një vit e gjysmë
Aktuale
March 19, 2019 - 19:33
Lajmet e fundit nga vendi!
Deputeti i LDK-së, Lumir Abdixhiku thotë se për një vit e gjysmë qeverisja aktuale ka shpërdoruar afër 200 milionë euro.
Përmes një postimi në Facebook Abdixhiku ka numëruar shpërdorimet e parave të Qeverisë Haradinaj, së fundmi me skandalet e punësimeve në Telekom.
Postimi i plotë i Abdixhikut pa ndërhyrje:
Në Kosovën e PAN-it:
– 53 milionëve të Bechtelit;
– 52 milionëve të ujit;
– 49 milionëve të listave fallce;
– 16 milionëve të rezervës shtetërore;
– 10 milionëve të zv/ministrave me këshilltarë;
I shtohen edhe 14 milionë euro humbje të Telekomit vetëm sivjet. Punësimi familjar aty vazhdon.
Gati 200 milionë euro të shpërdoruara publikisht për një vit e gjysmë PAN. Sa shumë gjëra do të viheshin në binarë me kaq para.