Largon mbi 200 thasë mbeturina nga liqeni i Batllavës

Mbi 200 thasë me mbeturina janë larguar sot nga liqeni i Batllavës në Orllan.

Ishte Organizata “Sundimi i Demokracisë në Kosovë” që organizoi aksionin e pastrimit ku iu bashkuar shumë vullnetarë si dhe disa kandidat për deputet, në mesin e tyre edhe kandidatja e AAK-së, Pranvera Ejupi-Hajzeraj.

Meqenëse Liqeni “Batllava” është një prej liqeneve të mëdha në Kosovë, nga i cili furnizohen një numër i madh i banorëve me ujë të pijshëm, është mjaft e rëndësishme pastërtia dhe ruajtja e mjedisit të pastër.

Njoftimi i plotë i SDK-së:

Aksionit, i’u bashkuan rreth 40 pjesëmarrës, kryesisht të rinjë vullnetmirë, dhe në veçanti banorët e fshatit Orllan, të cilët arritën të pastrojnë të sipërfaqen e shtratit të liqenit, i cili aktualisht ka mbetur pa ujë.

Njëkohësisht aksioni i pastrimit është zhvilluar edhe brenda liqenit, ku për mes përdorimit të barkave është mundësuar të realizohet pastrimi. Nga ky aksion janë mbledhur më shumë se 200 thasë me mbeturina, të cilat janë larguar nga shtrati i liqenit.

SDK, inkurajonë të rinjtë dhe gjithë banorët e Orllanit, që të jenë gjithehr aktiv në iniciativa të tilla që ndikojnë në ruajtjen dhe promovimin e mjedisit të pastër, që rezulton edhe me ujë më cilësor.

Ky aktivitet është organizuar në kuadër të projektit “Aktivizmi qytetarë dhe institucional në përmirësimin e gjendjes së mjedisit për ujë cilësor” projekt ky i cili mbështetet nga Ministria e Mjedisit dhe Planifikimit Hapësinor dhe implementohet nga OJQ SDK .

gjithë në mbrojtje të ujit