15 vetura të përfshira në aksidentin në “Veternik”, mbi 10 persona kanë kërkuar ndihmë mjekësore
Aktuale
August 05, 2020 - 11:29
Në aksidentin në hyrje të Prishtinës, në “Veternik”, janë përfshirë 15 automjete, ndërsa 12 persona kanë kërkuar ndihmë mjekësore.
Policia e Kosovës ka konfirmuar se në vendngjarje kanë dalë zyrtarët e Njësitit të Trafikut, të cilët po merren me rastin.
“Më datën 05.08.2020, rreth orës 09:40, në rrugën Ferizaj - Prishtinë, kanë ndodhur pesë aksidente trafiku me lëndime trupore. Në këto aksidente kanë qenë të përfshira 15 automjete. Duke u bazuar në të dhënat fillestare, ndihmë mjekësore deri tani kanë kërkuar 12 persona. Me rastet po merren zyrtarët e Njësitit të Trafikut”, ka thënë për “Zërin” Flora Ahmeti, zëdhënësja e Policisë për rajonin e Prishtinës. /Zëri