Prishtinë. Gjithçka në duart e miqve të Kosovës. Këto janë përshtypjet e opozitës në Prishtinë në prag të sesionit të radhës të Asamblesë së Përgjithshme të Kombeve të Bashkuara rreth kalimit, modifikimit apo bllokimit të rezolutës serbe për Kosovën.

Pavarësisht faktit se në Nju- Jork Kosova tashmë e ka presidentin dhe ministrin e Jashtëm, si dhe së shpejti do ta ketë atje edhe kryeministrin, deputetë opozitarë shprehin dyshime nëse diplomacia dhe institucionet e Kosovës mund të ndikojnë diç në shtimin e numrit të vendeve që do të kalojnë në anën e Kosovës duke e refuzuar kërkesën serbe për miratimin e rezolutës.

Deputeti i Lidhjes Demokratike të Dardanisë, Naser Rugova, thotë se ngjashëm me shpalljen e pavarësisë dhe procesin e njohjeve, edhe në Asamblenë e Përgjithshme rrjedha pozitive për Kosovën mund të jetë meritë e miqve të Kosovës, në krye me SHBA-në. Përderisa kontributi i institucioneve dhe diplomacisë kosovare, sipas Rugovës është shumë i vogël, apo edhe nuk vërehet fare.

“Pritjet e mia dhe te LDD-së janë që falë miqve tanë ndërkombëtarë që tek e fundit janë edhe sponsorë të pavarësisë së Kosovës, janë duke u bërë përpjekje maksimale që ajo rezolutë të mos kalojë me tekstin që e ka paraqitur qeveria e Serbisë”, thotë Rugova... (shkrimin e plotë mund ta lexoni në numrin e sotëm të Gazetës "Zëri")