Një burim ndërkombëtar ka thënë për gazetën “Zëri” se Serbia ka pranuar të ndërroj tekstin e dokumentit të saj, e shtrënguar nga Bashkimi Evropian.

“Miqtë ndërkombëtar të Kosovës janë të lumtur se ndërrimet reflektojnë të gjitha vijat e kuqe për Kosovën”, duke shtuar se “ajo hap mundësinë për dialog për jetë më të mirë të të gjithëve”.

Kohë më parë, Serbia kishte hartuar dhe dorëzuar një rezolutë për Kosovën në AP të OKB-së, përmes së cilës kërkonte rihapjen e çështjes së statusit të Kosovës. Një gjë e tillë nuk ishte pranuar nga faktori ndërkombëtar, të cilët zhvilluan bisedime të shumta me Serbinë për ndryshimin e rezolutës.