Prishtinë. Pjesëmarrja e grave në proceset vendimmarrëse, me fokus të veçantë në sektorin e sigurisë dhe në procesin e decentralizimit të pushtetit vazhdon të mbetet e vogël. Ky ishte vlerësimi që doli të mërkurën nga zyrtarë të Institutit Kosovar për Kërkime dhe Zhvillime të Politikave (KIPRED), të cilët publikuan edhe studimin: “Rritja e pjesëmarrjes së grave në proceset e shtet-ndërtimit: sektori i sigurisë dhe decentralizimi në Kosove”. Ky studim vë në pah se çfarë është niveli i përfshirjes së grave në fushën e sigurisë dhe decentralizimit dhe po ashtu analizon në mënyrë kritike pjesëmarrjen politike të grave në këto çështje.

Ariana Qosaj-Mustafa, drejtoreshë e Kërkimeve Speciale në KIPRED, tha se përfshirja e femrës në institucionet e sigurisë ka shënuar rënie krahasuar me vitet e kaluara. “Proceset e vazhdueshme të shtet-ndërtimit në sektorin e sigurisë ende perceptohen si intervenime, që kërkojnë përgjigje nga niveli qendror- shtetëror vendimmarrës dhe prioritetet përcaktohen në bazë të metodës nga lartë-poshtë. Prandaj, si e tillë përfshirja e grave dhe nevojave të tyre është e limituar”, ka thënë ajo. Qosaj-Mustafa, përmendi se në Këshillin e Sigurisë së Kosovës, i cili ka për mandat që t’i zhvillojë politikat në sektorin e