Ministria e Arsimit, Shkencës dhe e Teknologjisë e Kosovës, ka marr vendim që të ndërpritet procesi mësimor në të gjithë territorin e Kosovës për shkak të reshjeve të vazhdueshme të borës dhe vështirësimit të lëvizjes në gjithë territorin e Kosovës.

MASHT thekson se kanë kontaktuar të gjitha Drejtoritë Komunale të Arsimit (DKA) në Kosovës, ku është vlerësuar se në shumicën e komunave, gjendja e kushteve atmosferike është e vështirësuar.

“Me kërkesën e shumicës së DKA-ve, MASHT bie vendim që përkohësisht (respektivisht gjatë ditëve e enjte dhe e premte), të ndërpritet mësimi në të gjithë arsimin parauniversitar të Kosovës. Mësimi në të gjitha shkollat rifillon të hënën, më 30 janar 2012”, thuhet në një njoftim të MASHT-it.

Ditët dhe orët e humbura do të kompensohen sipas planifikimit të përbashkët të DKA-ve me MASHT-in. /Zëri/