Me të nisur kritikat ndaj video-spotit për promovimin e Kosovës në botë, konkretisht në një prej televizioneve më të mëdha amerikane dhe botërore, CNN, për shkronjën B të shndërruar në P në obeliskun “Newborn”, duke e kthyer këtë fjalë në “NewPorn”, kanë nisur edhe diskutimet mes Ministrisë së Tregtisë dhe rrjetit CNN për të përmirësuar gabimin.

E të enjten, sipas një njoftimi të dhënë nga ministrja e Tregtisë dhe Industrisë, Mimoza Kusari Lila, thuhet se gabimi është është eliminuar.

“Ashtu sikur premtuam, korrigjimi në reklamën e CNN për 4 vjetorin e pavarësisë u realizua dhe linkun me korrigjim po ua përcjell të bashkangjitur. Ju falënderoj të gjithëve për komentet, reagimet, mbështetjen dhe kritikat. Të gjitha kontribuojnë në përmirësimin e performancës tonë si Ministri dhe rrjedhimisht në të mirë të Kosovës”, shkroi ministrja Kusari-Lila në Facebook.

Më pas ajo i uroi popullit të Kosovës 4 vjetorin e pavarësisë së Kosovës.

Më poshtë po i paraqesim dy versionet, me gabim, dhe atë të përmirësuarën:

Video e përmirësuar, e transmetuar sot në CNN:

Video e transmetuar dje në CNN, me gabim: