Prishtinë. Guvernatori i Bankës Qendrore të Kosovës, Hashim Rexhepi, i cili gjendet në paraburgim që nga e premtja e kaluar, është duke u hetuar edhe për disa vepra të tjera, përveç atyre kur është paraburgosur.

EULEX ka njoftuar se i ka shtuar akuzat ndaj Guvernatorit.

“Sot Prokuroria Speciale e Kosovës ka zgjeruar hetimin ndaj guvernatorit të Bankës Qendrore të Kosovës me akuza shtesë, siç janë Abuzimi i pozitës zyrtare dhe Marrje e ryshfetit, ka njoftuar zyra e EULEX-it për shtyp.

Çështja ka të bëjë me lëshimin e licencave të punës të kompanive të sigurimit gjatë periudhës 2006-2008.