Këtë javë pritet të “vije” vendimi përfundimtar mbi mini-rotacionet në rrjetin diplomatik të Kroacisë. Një prej ambasadorëve që pritet të përfshihet në këtë mini-rotacion, sipas burimeve jo-zyrtare, është edhe ambasadori kroat në vendin tonë, Zllatko Kramariq, të cilit, sipas asaj që shkruan “Glas Slavonije”, duhet t’i ndërrohet vendi.

Kramariq në postin e ambasadorit kroat në Kosovë është emëruar nëntorin e vitit 2008, si ambasadori i parë kroat në Kosovë.

Sipas asaj që shkruan “Glas Salvonije”, thuhet se Kramariq është menduar t’i ndërrohet destinacioni dhe të emërohet ambasador në Maqedoni, edhe pse mandati i tij në Kosovë nuk ka përfunduar ende.

Mirëpo, mandati i ambasadorit kroat në Maqedoni, praktikisht veçse i ka kaluar, duke patur parasysh se në atë postë ai ka qëndruar për më shumë se katër vjet, raporton “Glas Salvonije”.

Largimi i tij mendohet se po bëhet pas një komenti të bërë kohë më parë në gazetën “Tjednik”, ku ai akuzon qeverinë e Kosovës se "po e mjel Kosovën si lopën", i cili komentim u vlerësua si një skandal diplomatik.