Të premtën, para nisjes për t’u kthyer në Prishtinë, Kryeministri i Republikës së Kosovës, Hashim Thaçi vizitoi ekipin ligjor të Departamentit të Shtetit dhe i falënderoi ata në emër të Qeverisë dhe popullit të Kosovës për angazhimin e jashtëzakonshëm dhe punën kolosale në prezantimin e rastit të Kosovës në Gjykatën Ndërkombëtare të Drejtësisë.

"Të enjten fitoi drejtësia. Dua t'ju falënderoj në emër të qeverisë dhe popullit tim për një prezantim dinjitoz dhe bindës të argumenteve për ligjshmërinë e pavarësisë së Kosovës", theksoi kryeministri i Kosovës, Hashim Thaçi.

Nga ana e tij, përfaqësuesi ligjor i Departamentit të Shtetit, Harold Hongju Koh shprehu kënaqësinë për përmbylljen me sukses të procesit në GJND në favor të drejtësisë dhe argumenteve të ofruara.