Bashkimi Evropian po shpreson që përfundimisht të del njëzëshëm sa i përket Kosovës pasi gjykata përqafoi shpalljen e pavarësisë nga Prishtina, gjë e cila i shtoi presionet ndaj pesë shteteve anëtare të BE-së që refuzojnë ta njohin Kosovën, nga frika se një kjo do t’i nxiste rajonet tjera separatiste.

Gjykata Ndërkombëtare e Drejtësisë deklaroi se shpallja e pavarësisë së Kosovës e shkurtit të vitit 2008, gjë e cila i shtoi shpresat e Prishtinës se përmes kësaj do të rritet numri i shteteve që do ta njohin Kosovën.

Vendimi i gjykatës “i ka vënë shtetet evropiane, që ende s’e kanë njohur Kosovën, në një pozitë të vështirë”, thotë një diplomat i lartë evropian që kërkoi të mbetej anonim, shkruan agjencia bullgare e lajmeve “Focus”.

Një diplomat tjetër tha se “Debati për njohjen e Kosovës do të nis me nxjerrjen e përfundimit nga gjykata”.

"Tani ka vend për manovrime për njohjen e Kosovës nga pesë shtetet e BE-së”, tha diplomati para takimit të ministrave të jashtëm të BE-së, që do të mbahet të hënë, e që temë diskutimi do të jetë Kosova.