Uashington - Hillary Clinton ka premtuar se nuk do ta thotë asnjë fjalë në lidhje me hollësitë e dasmës së vajzës së saj të vetme, Chelseat. Megjithatë, dasma ka hallakatur shtypin në Shtetet e Bashkuara. 30-vjeçarja do të martohet këtë të shtunë, më 31 korrik, me Mark Mezvinskyn, një bankier investimesh dhe ajo përpiqet që detajet e ceremonisë të mbesin sekret.

A duhet parë në “fshehjen” e vajzës pasojat e trazimit mediatik, me të cilat janë përballur prindërit e saj në kohën e aferës Lewinsky? Edhe Mezvinsky nuk është kursyer nga dhuna mediatike: babai i tij, një ish-deputet demokrat ka kaluar pesë vjet në burg për keqpërdorime. Mirëpo, ndërkohë që dhëndri i ri ka pasur një jetë të qetë gjatë adoleshencës, Chelsea është rritur me sytë e botës mbarë të ngulitur në të. Dy të rinjtë janë njohur gjatë kohës së adoleshencës gjatë një festivali, pastaj së bashku kanë studiuar në universitetin prestigjioz të Stanfordit.

Tani, martesa e tyre po e magjeps vendin dhe kjo më shumë për shkak se bash kurrgjë nuk dihet në lidhje me organizimin e festës, siç shkruan “Washington Post”: “Pse nuk mund t’i pyesim të ftuarit se çfarë do të ndodhë? Sepse as edhe ata vetë nuk dinë gjë!”. Vendi i martesës mbahet edhe më tej sekret, edhe pse përmendet emri i lokacionit luksoz Astor Court. Ndërtesa mahnitëse, e inspiruar në