A e dini se ç’kanë të përbashkët Jennifer Lopez dhe Katy Perry? Te dyja divorcin e tejkaluan duke gjetur ngushëllim në kraharorin e valltarëve! Kështu Katy u gjend në përqafimin e valltarit, Malik Le Nost-it, pohojnë miqtë e saj.

Katy Perry dhe Le Nost janë bërë bashkë gjatë turneut të saj “California Dreams” në të cilin Malik kishte performuar me valltarët e tjerë. “Gjatë turneut të vitit të kaluar Katy u bë shumë e afërt me bendin e saj përcjellës dhe valltarët.

Të gjithë e kanë ditur sa është e palumtur për shkak të problemeve në martesë, ndërsa këtë më së miri e diti Malik, i cili shumë shpejt u bë më shumë se mik me të”, zbuloi një burim për mediet. Sipas dëshmitarëve Katy ishte kënaqur me vëmendjen e tij dhe prekjet “e rastësishme”.