Këngëtarja Elida Kryeziu përsëri pritet të bëhet nënë, ajo tani është në muajin e pestë të shtatzënisë dhe “duket” se foshnja është i gjinisë mashkullore.

Elida ka edhe djalin Dionin, që është 3 vjeç dhe ai është personi që mezi pret ardhjen në jetë të foshnjës. “Ndjehem e lumtur që fillimisht po kaloj një shtatzëni të lehtë, Dioni po e pret me padurim ardhjen e bebes. Edhe pse jam në muajin e pestë të shtatzënisë, definitivisht nuk e dimë gjininë e foshnjës, mirëpo 70% më duket se është djalë”, ka thënë ajo për “Zërin”.

Si duket Elida tani i është përkushtuar plotësisht jetës private dhe krijimit të familjes, andaj angazhimet muzikore i ka lënë paksa anash. Mirëpo, përsëri thotë që nuk do të shkëputet, sepse kënga është profesioni i dashur i saj. “Natyrisht se më e angazhuar jam rreth familjes, mirëpo përsëri nuk jam shkëputur nga kënga.

Kohën e fundit kam lansuar një bashkëpunim me Ergin Ibrahimin, që është mirëpritur në publik. Uroj që edhe në të ardhmen të kem ndonjë projekt të ri muzikor, por kuptohet, pas lindjes së foshnjës”, përfundoi ajo.