Sipas zgjedhjes së më shumë se një milionë lexuesve të portalit “AskMen.com”, Sofia Vergara (39-vjeçare), është femra më e dëshirueshme në botë. Aktorja kolumbiane është femra më e vjetër deri më tani të cilës i takoi ky titull, që kur “AskMen.com” në vitin 2000 filloi të bëjë këtë përzgjedhje.

“Mendoj që shumë meshkuj janë befasuar kur e kuptuan se ajo i ka gati 40 vjet, pasi nuk duket aspak si një 40-vjeçare”, tha redaktori i këtij portali, James Bassil. Në vendin e dytë u gjend modelja Kate Upton derisa vendi i treti i takoi aktores Rooney Mara.

Vendin e katër e zuri modelja e “Victoria’s Secret”, Miranda Kerr, ndërsa i pesti i takoi këngëtares Nicki Minaj. Katy Perry u gjend në vendin e 16-të ndërsa, Lady Gaga u rendit tek e 18-ta. Në listën e 99 femrave më të dëshirueshme për vitin 2012 u gjenden edhe Kim Kardashian, Jennifer Lopez, Blake Lively, e dashura e George Clooney-t, Stacey Kiebler, Scarlett Johansson dhe këngëtarja Adele.

Për dallim nga Kate Middleton e cila u gjend në vendin e 11-të, motra e saj Pippa, për prapanicën e të cilës është shkruar me të madh qe një kohë të gjatë, e zuri mezi vendin e 98-të.

Humbjen më të madhe megjithatë e përjetoi Megan Fox e cila u rendit e 96-ta, ndërsa numri i madh i lexuesve u befasuan pasi në listën nuk u gjenden as Angelina Jolie dhe as Jennifer Aniston.