Lindsay Lohan është vendosur në qendër të vëmendjes së fundmi vetëm për arsyet e gabuara. Megjithatë, pas disa seancave gjyqësore, burgosjes disa-mujore dhe pozave në “Playboy”, aktorja e këngëtarja 25-vjeçare rikthehet në vëmendjen e medieve për shoqërimin me djalin e aktorit të famshëm, Dennis Hopper. Lohan u fotografua në shoqërinë e Henry Hopper, përpara se të udhëtonte me makinën e saj sportive drejt një bari të njohur në Los-Anxhelos, ku ajo dhe i riu shpenzuan disa orë së bashku në shoqërinë e alkoolit.