Aktorja hollivudiane, Gwyneth Paltrow deklaroi se të gjitha femrat e martuara duhet ta presin bashkëshortin e tyre në shtëpi me drekë të përgatitur. Në intervistën për mediet e huaja aktorja tha se secilin mëngjes zgjohet në shtatë të mëngjesit, dhe derisa janë fëmijët në shkollë, freskon faqen e saj në internet dhe shkruan receta të kuzhinës.

Pastaj siç deklaroi ajo përgatit ushqimin për bashkëshortin e saj, këngëtarin e grupit “Coldplay”, Chris Martin-in, i cili gjithmonë e ka drekën e gatshme kur të kthehet nga puna.

“Fëmijët e mi janë të vegjël dhe shkojnë në shkollë. Unë dëshiroj ta ruajë martesën time dhe dëshirojë të gjendem gjithmonë në shtëpi kur Chris të kthehet nga puna. Kjo ndoshta nuk është gjë edhe aq e mirë për shumicën e femrave, por duhet të gjejmë kompromis”, tha ajo. Ajo u këshillon të gjitha femrave që nëse dëshirojnë të jenë të lumtura në martesat e tyre, duhet të jenë bashkëshorte të mira, pasi që kjo është pjesë e kompromisit.