Ylli i filmit “Twilight”, Kristen Stewart së fundi ishte në Paris ku kishte pozuar për revistën e njohur “Vanity Fair”. Në pauzën ndërmjet incizimeve ajo e shfrytëzoi rastin që të hajë drekë në restorant, ndërsa paparacët të cilët e përcillnin në çdo hap “fituan” një koment aspak të mirë nga ana e saj.

Derisa dilte nga restoranti në të cilin kishte drekuar, Kristen Stewart ishte ballafaquar me numrin e madh të fotografëve të cilët mundoheshin që ta fotografonin. Aktorja e njohur ishte ndalë që të fotografohet me adhuruesit dhe kishte shpërndarë nënshkrime, ndërsa blicat e fotoaparateve që nuk ndaleshin e bënë aq shumë nervoz dhe ajo e hidhëruar tejmase bërtiti: “A e keni ftohtë? U bëfshi akull dhe dhashtë zoti shpirti ju lëshon”.

Kjo nuk është deklarata e saj e parë e këtillë drejtuar paparacëve të cilët shpesh dinë ta bëjnë ferr jetën e personave të famshëm, por disa dinë ta përmbajnë veten dhe të ballafaqohen me realitetin, kurse Kristen shpesh i humb nervat dhe hedh një potpuri fyerjesh në drejtim të tyre.