Portieri i Manchester Unitedit, Edwin van der Sar, dëshiron që të mos ketë më gabime derisa “Djajtë e Kuq” luajnë me Chelsean si “macja me miun” në renditjen e ligës.

Skuadra e Sir Alex Fergusonit për momentin qëndron pesë pikë mbrapa Chelseat, pavarësisht një fillimi të pamposhtur të edicionit.

“Djajtë e Kuq” kanë grumbulluar pesë barazime deri më tani, përfshirë rrëshqitjet në minutat e fundit të ndeshjeve kundër Fulhamit, Evertonit dhe West Bromit.

Van der Sar ka thënë: “Ne e dimë që kemi bërë disa gabime dhe kemi pranuar disa gola të lehta në ligë, të cilat na kanë kushtuar neve me disa pikë. Ne duhet të sigurohemi që të mos gabojmë më dhe të rregullojmë gabimet e bëra”.