Kidz

Ballina / Kidz / Kidz
Luani dhe nënshtetasit e tij
Publikuar: 09.03.2013 - 12:58

Njëherë, kur mbreti i kafshëve luani u fut në shpellë për t’u çlodhur, erdhën për ta vizituar ariu, majmuni dhe dhelpra. Luani nis e pyeti ariun: “Pa më thuaj, ç’erë vjen shpella ime?”. Ariu iu përgjigj: “O sundimtar i botës, në shpellën tënde të merret fryma nga era e keqe!”.

Luani e dëgjoi përgjigjen, u zemërua dhe buçiti: “E si mundesh ti të më thuash mua, padishahut të kafshëve, një fjalë kaq të rëndë, pra që shpella ime u qelbka nga era e keqe”. Dhe e shtrëngoi ariun aq fort me putër, sa i theu të gjithë eshtrat.

Pastaj luani iu drejtuar majmunit: “Tani thamë ti, ç’erë vjen në shpellën time, e mirë apo e keqe?”. Dhe majmuni iu përgjigj: “Madhëri, në shpellë vjen një kundërmim që më i mirë së bëhet!”. Dëgjoi luani këtë përgjigje dhe përsëri u zemërua dhe ulëriu: “Ti përpiqesh të ma bësh qejfin, ndaj edhe gënjen!”.

Pastaj e shtrëngoi fort majmunin me putër, sa ai në çast dha shpirt. Pastaj luani i foli dhelprës: “Thuamë të vërtetën dhelpër, çfarë ere vjen në shpellën time? “. Dhelpra u përgjigj: “O padishahu i kafshëve! Unë jam me rrufë dhe nuk ndjejë asnjë lloj ere. Ndaj nuk them dot se çfarë ere mban shpella juaj”. “Hë, ti mashtruese, ti dinake e madhe!”, uturi luani dhe nuk vazhdoi ta pyeste më tej, por edhe për ta shqyer nuk e shqeu.       


Komento
Komente (0)

Shkruaje emrin

Shkruaje email adresen

Shkruaje vendin
Shkruaje komentin
1000
Dërgo komentin
Me shume nga Kidz