Prishtinë. Ministri i Ekonomisë dhe Financave, Ahmet Shala, në vend se t’i zbatojë vendimet e Qeverisë së Kosovës, ai e bën të kundërtën, i shkel ato.

Qeveria, më 13 maj 2010, kishte ngarkuar ministrin Shala që të zbatojë vendimin e që nëpërmjet Bordit të Drejtorëve të ngrijë procesin e punësimit dhe pagat në Postë Telekomin e Kosovës (PTK), ndërsa ministri Ahmet Shala muaj më pas ka aprovuar kërkesën e kësaj kompanie publike që t’i punësojë edhe 30 punëtorë të rinj, pavarësisht se ishte obliguar që të mos lejojë punësime të reja.

Burimet e gazetës bëjnë të ditur se PTK i ka realizuar këto punësime, në bazë të një liste me emrat e kandidatëve që duhet pranuar, e cila u është dërguar nga niveli i lartë qeveritar. Zyrtarët e PTK-së pranojnë se kanë punësuar punëtorë të rinj pas vendimit të Qeverisë për ngrirjen e punësimeve.

“Posta dhe Telekomi i Kosovës së fundi ka plotësuar biznes planin e saj me punësimin e disa punëtorëve të rinj të kërkuar nga njësitë e biznesit. Biznes plani, të cilit po i referohem, është aprovuar nga Bordi i Drejtoreve i korporatës, por edhe nga aksionari”, ka konfirmuar për “Zëri” Menduh Abazi, zëdhënës i PTK-së... (shkrimin e plotë mund ta lexoni në numrin e sotëm të Gazetës "Zëri")