Prishtinë. “Adani Power Ltd.”, krahu energjetik i importuesit më të madh indian të qymyrit, është futur në listën e ngushtë për të konkurruar për një projekt termal energjetik prej 1.238 megavat dhe për të drejtat e nxjerrjes së qymyrit në Kosovë, ka bërë të ditur një zyrtar i kësaj kompanie.

"“Adani Power” dhe krahu i saj indonezian “PT Adani Global” janë në mesin e katër grupeve të përzgjedhura nga qeveria kosovare për të konkurruar për ndërtimin e dy njësive me qymyr prej 560 megavat dhe 678 megavat, dhe për nxjerrjen e karburantit për shfrytëzim nga uzinat", ka thënë Ravi Sharma, zyrtar i lartë operativ në “Adani Power”.

”Marrëveshja është pjesë e planeve tona për blerjen e pronave në Indi dhe jashtë vendit”, theksoi Sharma të mërkurën në një intervistë telefonike nga Ahmedabadi.