“Ericsson Nikola Tesla” thotë se ka fituar një kontratë për zgjerim rrjeti nga kompania e telefonisë mobile në Kosovë, IPKO. Kontrata e re pritet të ofrojë shërbime softuerike dhe harduerike për një periudhë tri-vjeçare dhe kap vlerën prej 37 milionë kunash kroate (6.5 milionë dollarë amerikanë).

Në vitin 2007, “Ericsson Nikola Tesla” shpërndau dhe integroi në tërësi të gjithë rrjetin GSM për IPKO-n në një kohë rekorde.

"Kompania Ipko është një prej konsumatorëve tanë strategjikë me të cilën kemi patur bashkëpunim shumë të mirë. Që nga fillimi kur për një periudhë rekorde prej katër muajsh kemi instaluar rrjetin e kësaj kompanie në funksion komercial, kemi ushqyer marrëdhënie të mira bazuar në kompetenca të vazhdueshme duke ndarë dhe menaxhuar shërbime, të cilat po vazhdojnë edhe sot”, është shprehur Gordana Kovaq, Presidente e ETK-së.

“Ericsson” suedez zotëron 49% të “Ericsson Nikola Tesla”, ndërsa hisja tjetër është pjesë e investitorëve.