Prishtinë. Ministria e Ekonomisë dhe Financave, e cila udhëhiqet nga Ahmet Shala, ka “avulluar” 30 milionë euro të suficitit buxhetor për tremujorin e parë të këtij viti.

Në raportin e tremujorit të parë të buxhetit 2010, të publikuar nga Ministria e Ekonomisë dhe Financave, thuhej se suficiti në këtë periudhë kap shumën prej 14.2 milionë euro, kjo si rezultat i mbledhjes më të madhe të të hyrave, në raport me pagesat.

Në anën tjetër, në raportin e 3- mujorit 2010 të Bankës Qendrore të Kosovës, i cili raport është publikuar disa ditë më parë, thuhet se suficiti në këtë periudhë kohore arrin shumën e përgjithshme prej në 44.7 milionë euro, apo mbi 30 milionë euro më i lartë sesa që është prezantuar në raportin e MEF-it.

Derisa zyrtarët në Ministrinë e Ekonomisë dhe Financave thonë se suficiti i tremujorit është është 14.2 milionë euro, në Bankën Qendrore të Kosovës thonë se statistikat e tyre janë shumë të sakta dhe suficiti i tremujorit është 44.7 milionë euro... (shkrimin e plotë mund ta lexoni në numrin e sotëm të Gazetës "Zëri")