Duket që treshja atraktive nga “Volkswagen”, përkatësisht modelet e coupe-ve të vogla sportive me motorët e vendosur në mes dhe tërheqjen me katër rrota, janë hequr nga plani i prodhimit.

Do ta luhaste vlerën e brendit

Bëhet fjalë për automobilat për të cilët momentalisht përdoren emërimet VW Bluesport, Audi R4 (R5) dhe Porsche 550 dhe të cilat sipas deklaratave të bëra më parë së shpejti do të duhet të arrinin në treg.

Por, duket se deri në të ardhmen nuk do të ketë asgjë nga kjo punë. Shefi i “Porsche-s”, Matthias Müller në intervistën e tij të fundit deklaroi që “modeli i ri hyrës i cili nuk do të kushtonte shtrenjtë do të mund të luhaste vlerën e këtij brendi”, dhe se “do të duhet ndoshta të pritet gjeneratën e re të blerësve para se të fillohet me shitjen e ‘roadster-it’ të vegjël”. Përndryshe ky model do të duhet të jetë pasardhës i modelit Porsche 550 dhe se në treg do të duhet të paraqitet në vitin 2014.

Të brengosur për shitjen

Ndërsa në “Audi” kanë filluar të mendojnë rreth hapësirës.

Në ofertë edhe më tutje do të mbetet modeli TT, ndërsa në fund të vitit 2013 do të mund të presim edhe gjeneratën e re të modelit R8, kështu që shtrohet pyetja a ka “Audi” hapësirë të mjaftueshme edhe për një automobil sportiv në gamën e tij të gjerë.

Sidomos për modelin zhvillimin e të cilit e drejton pjesa e “Porsche-s” e cila gjendet në kuadër të “VW grupacionit”. Në “Volkswagen” megjithatë janë të brengosur me shitjen, përkatësisht me hulumtimin e tregut i cili thotë që për versionin koncept të modelit Bluesport-it, i cili njëherësh ishte i pari që e startoi tregimin për tri modelet e vogla sportive, nuk ka blerës të mjaftueshëm që tërë ky projekt të zhvillohet dhe që prodhimi i tij të shpaguhej.