Prodhuesi i njohur “Volvo” konfirmoi se e ka ndërmend ta zgjerojë ofertën e saj të modeleve kompakte dhe se për përmbushjen e këtij qëllimi i nevojitet një partner.

Partneriteti i prodhuesit suedez dhe ish-pronarit të tij të dikurshëm “Ford-it” skadon në vitin 2017, ndërsa në “Volvo” që nga tani kanë filluar të kërkojnë zgjidhjen që ta përmbushin zbrazëtirën që do të paraqitet. Shefi i “Volvo-s”, Stefan Jacoby, në intervistën e tij të fundit e konfirmoi që suedezët vetë janë duke zhvilluar platforma dhe motorë për modele më të mëdha, ndërsa për modele më të vogla u nevojitet partneri.

Për tani në “Volvo” e kanë ndërmend që të mbesin vetëm në C segmentin, por në të ardhmen është e mundshme edhe zgjerimi në klasa më të ulëta. Këtë ofertë do ta përbëjnë C30, V40 i cili do të prezantohet në Gjenevë, ndërsa në “Volvo” e kanë ndërmend që së shpejti të ofrojnë edhe “crossover-in” kompakt i cili do të duhej të vendosej nën modelin XC60. Ky edhe pasardhësit e përmendur më herët të modeleve C30 dhe V40 “Volvo” mundet t’i zhvillojë me partnerin e ri i cili për momentin është i panjohur.

Nëse vendoset për zgjerimin drejt A dhe B segmentit bashkëpunimi shumë shpejt do të mund të zgjerohet edhe me novitete. Në fund të shtojmë se edhe Jacoby e konfirmoi se në periudhën e pesë viteve të ardhme të gjithë modelet nga gama e këtij prodhuesi do të kenë ndonjë lloj të tërheqjes elektrike apo hibride.