Me sa duket, LG është duke përgatitur një model të ri të telefonit të mençur Android, i cili do t’i dedikohet segmentit ekonomik të tregut, pasi që çmimi i tij do të jetë më i lirë sesa modelet tjera të kompanisë. Modeli LG Optimus L3 E400 do të vijë në treg me ekran të ndjeshëm në prekje QVGA me diagonale prej 3.2 inç, sistem operues Android 3.2 Gingerbread, Wi-Fi, GPS, si dhe portin 3.5 mm për dëgjuese.

Për më shumë, LG Optimus L3 E400 posedon edhe kamerën me 3 mega-piksel, kartelën mikro SD, e cila mund të rrisë kapacitetin deri në 32GB, ndërsa çmimi i këtij modeli pritet të jetë rreth 145 euro.