Me sa duket drejtori i ri i BlackBerry është person shumë dinamik dhe i përkushtuar që të sjell risi për përdoruesit e telefonave BlackBerry.

Kjo, pasi të mërkurën kompania RIM ka paralajmëruar se do të lansojë shërbimin e ri për biznese, Business Cloud, të cilin ata thonë se e kanë krijuar për të sjell aplikacionet e Microsoft Office 365 tek shfrytëzuesit e BlackBerry. Shërbimi i ri nga BlackBerry është i dizajnuar në mënyrë që tu ofrojë administrim më fleksibil të telefonave të mençur përdoruesve të BlackBerry, të cilët më lehtë do t’i organizonin shërbimet e telefonit të tyre në re (Cloud).

Lista e shërbimeve të reja të cilat do t’i fitojnë përdoruesit e BlackBerry përfshijnë sinkronizimin e lidhjes pa tela me emailin Microsoft Exchange Online email, kalendarin dhe organizuesin e të dhënave drejtpërdrejt nga telefonat BlackBerry.