Bora e madhe dhe temperaturat shumë të ulëta, kanë izoluar fshatin Bardhosh. Banorët thonë se kanë mbetur të izoluar rreth 200 shtëpi.

“Nuk kemi mundur as të dalim nga shtëpia. Thjesht, kemi mbetur të izoluar nga bora që ka arritur në 2 metra”, tha Leonora Makolli nga Bardhoshi.

Sipas saj, asnjë kompani nuk ka shkuar të pastrojë, andaj janë detyruar që vetë të paguajnë një kompani për të pastruar borën. Ajo tha se kanë njoftuar Komunën e Prishtinës dhe Policinë e Kosovës, por asnjëra nuk iu ka dalë në ndihmë.

Zyrtarët komunalë mohuan këto deklarata, duke thënë se kompania “Pastrimi”, është duke bërë gjithçka që rrugët edhe atje të jenë të kalueshme. Po ashtu Komuna e Prishtinës ka angazhuar edhe kompaninë private “Standard” që t’i dalë në ndihmë “Pastrimit” dhe t’i mirëmbajë rrugët e asaj pjese. L. C.