Temperaturat e ulëta që këto ditë janë duke mbretëruar megjithatë nuk kanë shkaktuar pëlcitje në gypa të ujit. Sipas zyrtarëve të KUR “Prishtina”, furnizimi me ujë të pijshëm është në nivelin e kënaqshëm.

“Në përgjithësi temperaturat e ulëta ndikojnë në pëlcitjen e tubave të ujit, e sidomos në ndërtesat kolektive, bodrume të shtëpive etj. Janë bërë disa pëlcitje të gypave në disa pjesë të kryeqytetit, por të gjitha ato janë sanuar me kohë”, tha zëdhënësja në KUR “Prishtina”, Arjeta Mjeku. Sipas saj, nuk ka pasur as pëlcitje të gypave kryesorë në fabrikat e ujit në Badovc dhe në Baltllavë.

“Nuk ka pasur pëlcitje në të dy fabrikat, mirëpo nëse temperaturat do të vazhdojnë të jenë edhe më të ulëta, atëherë mund të ketë pëlcitje të gypave, gjë që do të na shkaktonte shumë dëme”, tha Mjeku. L. C.