I pari i Prishtinës, Isa Mustafa, dje takoi kryetarin e Komunës së Gostivarit, Rufi Osmanin, të cilin e njoftoi për projektet që janë duke u realizuar.

Sipas tij, në Prishtinë janë bërë investime pothuajse në të gjitha fushat, dhe në këtë kuadër, rëndësi e madhe u është dhënë projekteve të arsimit dhe asaj të infrastrukturës, shëndetësisë, trajtimit të objekteve pa leje etj.

I pari i Gostivarit tha se dëshiron që komuna e tij të marrë përvojën e Prishtinës, nëpërmjet shkëmbimit të përvojave në fusha të ndryshme. Të dy kryetarët e komunave u pajtuan që të forcojnë bashkëpunimin në shumë fusha, veçmas në atë të arsimit dhe infrastrukturës.

Takime të ngjashme pritet të ketë edhe në të ardhmen, në kuadër të vazhdimit të bashkëpunimit ndërkufitar të komunave. L. C.