Majmuni Ayuma është lindur para 11 vjetësh në Institutin Teknologjik, në qytetin japonez Kjoto, kurse me inteligjencën e tij ai i fascinon shkencëtarët.

Për majmunin Ayuma, të gjitha detyrat që i parashtrohen, dhe të cilat mund t’i shihni në video-incizim i cili qarkullon qe disa ditë në internet, janë relativisht të lehta dhe i zgjidh me sukses në 90 për qind të rasteve, ndërsa që një njeriu mesatar kjo i shkon përdore vetëm çdo të tretën herë.

Shkencëtarët thonë që ky është i aftë të zgjidhë detyra aq të rënda, të cilat njeriu mesatar nuk e ka idenë se si zgjidhen. Videoja e këtij majmuni është bërë hit i vërtetë në internet dhe deri më tani ka pasur me miliona klikime.

Shkencëtarët pohojnë se së shpejti do të editojnë edhe video tjera në të cilat ky zgjidh probleme të caktuara.