Argjentinasi 13-vjeçar, Kouichi Cruz, i cili jeton në provincën Cordova, ka arritur ta mbarojë me sukses vitin e parë të universitetit. I regjistruar në të njëjtën kohë në degët informatikë, shkenca ekonomi dhe inxhinieri informatike, ai ka dhënë 15 provime nga 17 që kishte gjithsej.

“Ishte pak e ndërlikuar të kombinoja oraret, por mendoj se nuk dola keq”, ka thënë ai. Kouichi ka treguar që në moshë të hershme aftësi jashtë të zakonshme.

Në moshën dyvjeçare ai ishte i aftë të përdorte një mi kompjuteri, në moshën trevjeçare lexonte rrjedhshëm dhe në moshën katërvjeçare kishte një koeficient intelekti prej 145.

Përveç të tjerash adoleshenti flet gjashte gjuhë: spanjisht, anglisht, frëngjisht, italisht, gjermanisht dhe japonisht dhe ka mbaruar shkollën e mesme në moshën 12-vjeçare.