Ndryshimi i klimës është një term i përdorur në klimatologji për të treguar ndryshimet e pësuara të klimës në tokë në shkallë botërore gjatë hapësirave të ndryshme kohore, që nga krijimi i tokës e gjer tani.

Ndryshimi i klimës mund të shkaktohet nga proceset e brendshme tokësore, prej faktorëve të jashtëm (p.sh. ndryshimet në rritjen e rrezatimit diellor) ose, në kohët e fundit nga veprimtaria njerëzore. Sot termi "ndryshimi i klimës" në politikën mjedisore shpesh lidhet me ndryshimet e tanishme klimatike, duke përfshirë ngritjen e temperaturës mesatare të sipërfaqes së tokës e njohur si nxehja globale.

Për shkak se Evropa ka formën e një gadishulli të madh, dhe se është e hapur ndaj Oqeanit Atlantik, Detit Mesdhe, Oqeanit të Ngrirë të Veriut dhe ultësirës Siberiane, pjesët e saj rrihen nga masat ajrore të lagështa të Atlantikut, të ngrohta të Mesdheut dhe të ftohta nga pjesët kontinentale të BSHP-së.

Moti mbi kontinentin e Evropës varet nga lëvizja e cikloneve dhe anticikloneve. Ciklonet krijohen rreth Islandës dhe duke lëvizur në drejtim të kontinentit sjellin shi, borë, mjegull, erë. Anticiklonet gjatë verës krijohen mbi ishujt Azore në oqeanin Atlantik, duke sjellë kohë të ngrohtë dhe dimrit në Siberi kur shkaktojnë kohë të ftohtë e me borë.

Veçori e përgjithshme klimës në Evropës, është rritja e temperaturës prej veriut kah jugu dhe prej perëndimit kah lindja, ndërsa reshjet zvogëlohen në drejtim të lindjes dhe jugut. Gjatë dimrit temperaturat rriten duke shkuar kah jugu dhe perëndimi. Sasia e reshjeve në perëndim është rreth 2000 mm, ndërsa Ultësira Lindore 400-600 mm.