D.S., i lindur më 1965, serb nga komuna e Dardanës, është gjetur pa shenja jete afër lumit të fshatit Koretin, kurse sipas policisë në trupin e të vdekurit nuk janë gjetur shenja dhune.

Me të marrë lajmin për trupin e pajetë, polica bashkë me mjekun kanë dalë ne vendin e ngjarjes dhe pasi që është konstatuar se ai është i vdekur është njoftuar edhe Njësiti Hetues i Policisë dhe ai i krim-teknikës.

Pasi janë bërë hetimet fillestare, trupi i viktimës është dërguar në Institutin e Mjekësisë Ligjore.

Hetimet e para nxorën në pah se në trupin e viktimës nuk ka shenja dhune dhe fillimisht u mësua se ai është konsumues i rregullt i alkoolit, andaj dyshohet se si pasojë e konsumit të tepruar të alkoolit në kushte të temperaturës së ftohtë, kjo ka ndikuar që viktima të mbetet në rrugë të mbuluar me borë, andaj ky ka mund të jetë edhe shkaku i vdekjes.

Analizat që po bëhen nga mjekët ligjorë, pas obduksionit të trupit të të pajetit, do të tregojnë me saktësi shkaqet e vdekjes, por hetimet në lidhje me rastin do të vazhdojnë edhe në ditët në vijim.

E. Sadiku