Fitues të shumtë të lojës shpërblyese në gazetën “Zëri”, me rastin e tërheqjes së disa nga shpërblimet e mëdha, kanë shprehur admirimin e tyre që kanë për gazetën në veçanti dhe lojën tejet korrekte në përgjithësi.

Ata janë mirënjohës për këto shpërblime, pasi siç shprehen, e kanë si kujtim nga gazeta e tyre e dashur. Fituesja e një telefoni të bukur iPhone 4, që dhurohet nga kompania “EuroPrinty”, Zarife Krasniqi nga Peja, ishte tejet e lumtur me rastin e marrjes së këtij shpërblimi të madh dhe ka shprehur falënderimin për gazetën “Zëri”.

“Për mua ka qenë një befasi e vërtetë kur e kam gërvishtur kuponin dhe e kam parë se isha fituese e një telefoni iPhone 4. Ta them të drejtën, në fillim nuk u kam besuar syve se kisha fituar një shpërblim të tillë.

Por të gjitha u sqaruar kur përmes telefonit e konfirmova çmimin”, është shprehur zonja Krasniqi. “Jam shumë mirënjohëse ndaj gazetës ‘Zëri’ dhe mendoj se loja shpërblyese në gazetën tuaj është më korrektja që është organizuar ndonjëherë tek ne”, ka shtuar zonja Krasniqi.

Edhe fituesi tjetër i një telefoni iPhone 4, Muhedin Gashi nga Fushë-Kosova, ka falënderuar gazetën “Zëri”, për këtë shpërblim të madh. “Jam shumë mirënjohës për këtë çmim të mrekullueshëm, edhe pse nuk kam besuar se do të fitoj. Jam lexues i rregullt i gazetës dhe do të vazhdoj t’i mbetem besnik gjithmonë”, është shprehur z.Gashi me rastin e pranimit të shpërblimit.

Një shpërblim tjetër i veçantë ka shkuar për Visar Qorollin nga Ferizaj, i cili tani e tutje do të ketë mundësi që të argëtohet me pajisjen e mrekullueshme për video-lojëra, Playstation 3. “Dhuratën Sony PlayStation e kam më të preferuarën dhe fatmirësisht arrita ta marrë falë gazetës ‘Zëri’.

Në çdo mëngjes shfletoj gazetën në përgjithësi dhe në fund gërvishti këndin e lojës “Lexo dhe fito”. Meqë e kam kafiterinë time kam filluar t’i marrë nga dy gazeta në ditë dhe kështu që edhe punëtorëve të mi u krijohet mundësia për të fituar ndonjë shpërblim”, është shprehur z.Qorolli me rastin e pranimit të këtij shpërblimi.

“Loja çdo ditë e më shumë po bëhet edhe më tërheqëse sepse atraktiviteti i saj ka ndikuar tek lexuesit të cilët po fitojnë shumë dhurata. Unë gjithnjë kam qenë lexues i ‘Zërit’, por tani me mundësinë e lojës, interesimi për këtë gazetë është bërë edhe më i madh”, ka shtuar Visari, i cili ishte i shoqëruar me një shok të vetin.

Ndër fituesit tjerë që kanë tërhequr shpërblimet e tyre, ishin edhe Feride Paqarizi nga Prishtina, e cila ishte fituese e 50 eurove nga Raiffaisen Bank, pastaj Bujar Muharremi nga Prishtina, që ka fituar kupon në vlerë 50 euro nga MiniMax, sikur që ka fituar edhe Astrit Zatriqi po ashtu nga Prishtina, ndërsa Ardian Berisha ishte fitues i 50 eurove Raiffaisen Bank. L. Xhema.

Gjakovarët e lexojnë, luajnë dhe e duan “Zërin”

Ani pse kanë kaluar disa muaj nga fillimi i lojës së madhe shpërblyese në të përditshmen “Zëri”, kjo lojë po vazhdon që të jetë ende interesante dhe e përcjellur me vëmendje nga lexuesit besnikë në Gjakovë.

“Prej fillimit kam luajtur dhe do të luaj deri në fund. Është lojë serioze dhe shumë korrekte, prandaj e meriton respektin tonë”, ka thënë Vjollca Zhubi, e cila shton se nuk i ka shkuar huq asnjë ditë që nga dita e parë e lojës shpërblyese, ndonëse ende nuk ka pasur fat të fitojë ndonjërin nga çmimet e mëdha.

E përveç lojës shpërblyese, “Zëri” vazhdon të veçohet edhe për përmbajtjen e vet dhe qasjen dukshëm më profesionale që e dallon prej gazetave të tjera. Një vlerësim pozitiv për “Zërin”, e ka edhe veterani i gazetarisë Faton Canhasi, i cili thotë të jetë lexues i rregull i “Zërit”.

“E lexoj çdo ditë dhe lirisht mund të them se jam i kënaqur me gjithçka që shoh në këtë gazetë. Ka një qasje të drejtë ndaj problemeve, trajtim profesional të temave dhe mbi të gjitha paanshmëri të plotë, gjë e cila fatkeqësisht sot nuk është shumë prezent në gazetarinë kosovare”, thotë Canhasi, i cili gjithashtu shton se e ka edhe një rubrikë të përzemërt në gazetë, e të cilën e lexon me shumë kënaqësi.

“Fejtonet në ‘Zëri’ janë ato që më japin kënaqësi të madhe gjatë leximit dhe në këtë drejtim ju përgëzoj dhe falënderoj për këtë kënaqësi që na ofroni”, ka thënë Canhasi. Ndërkohë, interesimin e lartë të gjakovarëve për “Zërin”, e konfirmojnë edhe shitësit, të cilët thonë se kjo gazetë është bërë pjesë e përditshmërisë për shumë qytetarë.

“Po vazhdon të jetë gazeta më e shitur dhe e para që shitet qysh paradite”, thotë Samir Dafota nga marketi Dafota. E përveç që i shet, Samiri thotë se edhe e lexon rregullisht këtë gazetë. “Çdo ditë e ruaj nga një kopje për vete, që ta lexoj në tërësi”, thotë ai, ndërsa na tregon edhe për një rast interesant, që i ka ndodhur disa herë në dyqanin e tij.

“Shumë herë në mbrëmje e kam shitur ‘Zërin’, që më herët e kam ndarë për vete, ani pse ai e ka pasur të gërvishtur lojën shpërblyese”, përfundon Dafota. Artan Z. Haraqia