Edhe pse të gjithë në një farë forme kemi marrë dhurata të ndryshme për vitin e ri, dhurata që ka fituar Gëzim Mehmeti nga Prishtina, është më e veçantë.

Ky djalosh ka pasur arsye të dyfishtë për të festuar Vitin e Ri, pasi ai është bërë pronar i veturës së re Peugeot 206, e cila është ndarë në kuadër të lojës së madhe shpërblyese të gazetës “Zëri” dhe vjen si shpërblim nga kompania “MercomCompany”, përfaqësuese ekskluzive për të gjitha modelet e Peugeot-it për Kosovë.

Edhe pse gazeta “Zëri” ka dalë në shitje që nga 30 dhjetori i vitit 2011, vetëm një ditë më vonë Gëzimi e kishte blerë gazetën e cila i solli këtë shpërblim të madh. Ai gjatë intervistës së zhvilluar, tregoi për momentet e gëzimit kur e kishte gërvishtur kuponin fitues dhe kur e kishte kuptuar se ai është fituesi i çmimit kryesor të lojës shpërblyese në “Zëri”

Gëzim, duket se keni emër me fat që fituat veturën e tipit Peugeot 206. Ku e keni bletë gazetën që ju solli veturën?

Në mëngjesin e datës 31 dhjetor me të dalë nga shtëpia për ta blerë gazetën dhe për t’u furnizuar me produkte ushqimore rastësisht u ndala në një shitore në rrugën “Ilmi Rakovica” dhe pasi e bleva gazetën e gërvishta aty për aty dhe e kuptova që isha fitues i veturës.

E keni blerë vetëm një gazetë apo më shumë?

Jo e bleva vetëm një gazetë, sepse ishte gazetë e numrit festiv dhe ishte më shtrenjtë se sa herëve të tjera. Por në fakt ia vlejti sepse arrita të fitoj dhuratën më të mirë të lojës “Lexo dhe Fito”.

Ishit vet kur e keni gërvishtur kuponin?

Po isha vet, sepse dola në mëngjes nga shtëpia dhe nuk mundja ta marr djalin, ndërsa shumicën e herëve tjera jam me djalin dhe ai vazhdimisht e ka blerë gazetën, por që deri më tani nuk ka pasur fatin të fitoja.

Cila ishte ndjenja në ato çaste kur kuptuat se kishit fituar veturën?

Ndjenjën as që mund ta përshkruaj, sepse në ato momente jam shtanguar dhe nuk kam ditur si të reagoj. Por menjëherë jam kthyer në shtëpi i gëzuar për t’ia kumtuar lajmin bashkëshortes dhe fëmijëve. Në realitet edhe ata mendonin se po bëjë shaka dhe nuk besonin se me të vërtetë unë fitova veturën. Por natyrisht se gëzimi i madh u pa edhe në fytyrat e tyre e posaçërisht për mua ishte një gëzim i papërshkruar.

Është hera e parë që fituat?

Po për herë të parë fitova edhe pse gazetën “Zëri” e blejë me vite të tëra. Gjithnjë kam pasur një simpati ndaj kësaj gazetë e natyrisht që edhe loja “Lexo dhe Fito” e ka bërë të vetën sepse ka arritur të mbledhë rreth vetes sa më shumë lexues. Por edhe pse e kam blerë gazetën, nuk kam hasur të fitoj deri më tani, mirëpo të ju them të drejtën gazetën “Zëri” nuk e kam blerë vetëm për shkak të lojës por për shkak të materialit informative që ndodhet në të.

Keni besuar se do të jeni fitues i një çmimi aq të madh?

Në realitet as që më ka shkuar mendja se do të jem fitues i ndonjë çmim e posaçërisht veturës, sepse gjithnjë jam nisur nga ajo që gazetën ta marrë vetëm për shkak të artikujve. Ndërsa në radhë të dytë ka qenë loja, por fatmirësisht ja që isha fatlum dhe fitova veturën.

A keni veturë dhe a do ta vozitni ju vet veturën e fituar apo edhe dikush tjetër?

Momentalisht nuk kam veturë, më parë kam pasur ndërsa kohëve të fundit nuk kam. Dhe të them të drejtën në momentin kur e fitova veturën mendova që t’i bëjë dhuratë bashkëshortes, sepse ajo është më e dhënë se sa unë në vetura. Por meqë ende nuk është e pajisur me patentë shofer më duhet ta vozisë unë. E sapo të pajiset me patentë shofer edhe ajo do ta vozitë. Pra mund të them se këtë veturë e kemi së bashku.

Çfarë përshtypjesh keni për gazetën “Zëri” por edhe për lojën shpërblyese “Lexo dhe Fito”?

Në përgjithësi përshtypjet e mia për të përditshmen “Zëri” janë shumë të mira, po e them sinqerisht se kjo gazetë më ka pëlqyer edhe para se të nisë me lojën shpërblyese, andaj ka disa vjet që jam lexues i rregullt i saj. Për mua vazhdon të mbetet gazeta më e mirë në treg, është më atraktive dhe më e pasur me materiale të shumëllojshme të cilat e informojnë lexuesin drejt. Është gazetë e besueshme që ia vlen të lexohet.

A mendoni se duhet të vazhdoj edhe më tutje loja shpërblyese?

Po mendoj se duhet të vazhdoj edhe më tej, sepse me këtë stimulon edhe lexuesit e saj. Përveç informimit lexuesit mund ta kenë rastin të fitojnë shpërblime të ndryshme, madje shpërblime që mund t’i shohin vetëm në ëndërr.

Cilën rubrikë do ta veçonit si më të preferuarën për ju?

Padiskutim se që nga fillimi apo thënë më mirë rubrika e politikës e deri te sporti më pëlqen çdo gjë. Por më shumë e preferuara ime mbetet rubrika e sportit.

Keni ndonjë porosi për fund?

Lexuesve ju them që ta blejnë sa më shumë gazetën “Zërin” se patjetër do të fitojnë. Falënderoj të gjithë stafin e gazetës, uroj që edhe më tej “Zëri” të prijë në tregun tonë medial.