Pjesa e dytë e lojës së madhe shpërblyese në gazetën “Zëri”, tashmë është në ditët finale dhe lexuesit janë nën ethe, pasi së shpejti do të mësohet emri i fituesit të shpërblimit të madh, vetura “Citroen C3”.

Interesimi i lexuesve është aq i madh, sa gazeta “Zëri” rrëmbehet qysh në orët e hershme të mëngjesit, derisa kërkesat për gazetën janë vazhdimisht në rritje. Këtë e konfirmojnë edhe shumë shitës të gazetave nëpër pikat e shitjes në kryeqytet, por edhe në komunat tjera të Kosovës.

“Të gjitha gazetat që i marr, ditëve të fundit janë duke u shitur. Është një interesim shumë i madh dhe ka të atillë qe po blejnë edhe nga 5 copë. Unë kam kërkuar që të më sjellin më shumë gazeta, sepse shumë lexues po kthehen, sepse po shiten shumë herët”, është shprehur Sadik Berisha, shitës gazetash në kryeqytet.

Edhe Sadete Krasniqi e konfirmon se gazeta ‘Zëri’ është më e kërkuara në treg. “‘Zëri’ është një gazetë që çdo ditë e më shumë po rezulton me suksese të mëdha. Është e vetmja gazetë që nëpërmjet lojës shpërblyese dhuron veturën e tipit “Citroen C3”.

Edhe unë si shumë lexues të tjerë gazetën ‘Zëri’ e dua dhe e lexoj çdo ditë, është gazeta e vetme që ka gjetur mënyrën për t’i shpërblyer lexuesit e saj me çmime të ndryshme dhe mjaft të vlefshme, por edhe me informacione të bollshme, të besueshme dhe të sakta. ‘Zëri’ tani për tani është gazeta më e shitur në treg dhe vazhdimisht po rritet numri i kopjeve të shitura”, është shprehur Sadetja, e cila është pronare e qoshkut, që gjendet para ndërtesës së qeverisë.

Pronari tjetër i një pike të shitjes së gazetave afër Pallatit të Rinisë, Shaqir Salihu, konfirmon se ‘Zëri’ qysh në orët e hershme të mëngjesit blihet i tëri nga lexuesit.

“Është një hap i mirë që po bën e përditshmja ‘Zëri’. Mijëra lexues të saj po shpërblehen çdo ditë, tani do të dhurohet edhe një veturë shumë e bukur, që fituesi fatlum mund ta ketë rastin ta ketë. Kjo është dhurata më e mirë që mund ta ketë një lexues me fat. Kam vërejtur që gazetën ‘Zëri’ po e lexojnë shumë, edhe këtu në qoshkun tim që në orët e mëngjesit kërkohet dhe shitet shumë. Ka arritur të jetë gazeta më e kërkuar në treg dhe për mua dhe për shumë lexues të tjetër mbetet gazeta më e besueshme dhe më anti-politike”, është shprehur z.Salihu.

Kryeqytetasit për vazhdimin e lojës

Edhe lexuesit e dëshmojnë interesimin e jashtëzakonshëm për blerjen e gazetës. Njëra prej tyre është edhe Besa Caka, e cila thotë se zgjohet shumë herët për të blerë gazetën, pasi më vonë nuk po gjen, sepse po shiten afër shtëpisë së saj tek posta e madhe. Ajo thotë se ditëve të fundit po blen edhe deri në 6 ekzemplarë të gazetës, me shpresën se do të fitojë çmimin e madh. Ajo tashmë është njëra prej fitueseve të lojës shpërblyese.

“Unë qysh herët në mëngjes dalë për ta blerë ‘Zëri’-n. E pëlqej këtë gazetë për përmbajtjen e mrekullueshme që ka, por tani këtyre ditëve jam e interesuar edhe në çmimin kryesor të gazetës, veturën Citroen. Për këtë arsye, po blej deri në 6 copë në ditë, por jo të gjitha në një vend, pasi dua të provoj në sa më shumë vende. Unë tashmë ka fituar mbushje të Vala-s në gazetën ‘Zëri’, por shpresoj një çmim më të madh”, është shprehur Besa, e cila thotë se gazetën ‘Zëri’ e lexon rregullisht në punë, sikurse edhe kolegët e saj.

Edhe Burim Luta është njëri prej atyre që ditëve të fundit po blen më shumë se sa një gazetë, kjo për shkak të shpërblimit kryesor të gazetës. “Unë zakonisht çdo ditë e blej gazetën, pasi jam lexues i rregullt, por tani unë dhe familja ime blejmë edhe disa ekzemplarë në ditë. E gjithë familja jemi angazhuar në blerjen e gazetës, për të parë se kush ka më shumë fat”, është shprehur Burimi, i cili thotë se gazeta ‘Zëri’ është rregullisht në zyrën e tij, ku punon si përkthyes.

“Edhe pa lojën shpërblyese, unë rregullisht e kam blerë gazetën, pasi më pëlqen mënyra se si u qaset problemeve që na preokupojnë çdo ditë. Mendoj se është gazeta më e guximshme në Kosovë, pasi shumica e gazetave janë ‘zë’ i pushtetarëve dhe institucioneve, kështu që nuk shkruajnë të bëmat dhe keqpërdorimet e tyre, ndërsa gazeta ‘Zëri’ është vazhdimisht zë kritikues për të gjitha ato që duhet kritikuar”, ka shtuar z.Luta.

Edhe anamoravasit e presin veturën të shkojnë në rajonin e tyre

Sa më shumë që po i vjen fundi pjesës së dytë të Lojës së Madhe Shpërblyese të gazetës “Zëri”, javë kur pritet të jepet shpërblimi i madh, vetura “Citroën C3”, interesimi për gazetën, por edhe për lojën sa vjen e shtohet. Jo vetëm në Gjilan, por edhe në qytetet tjera të Anamoravës, Dardanë, Viti e Artanë, numri i lexuesve të “Zërit” po rritet çdo ditë e më shumë.

Shitësit e gazetave nëpër qoshqet e Gjilanit, vazhdojnë të shprehen se gazeta “Zëri” është më e kërkuara ndër lexues dhe nëpër qoshqe, ku ajo shitet nuk ka ndodhur të mos ketë lexues që kanë qenë fitues të ndonjë shpërblimi, që sipas shitësve le të kuptohet se mund të ndodhë që pikërisht në qoshkun e tyre mund të vijë gazeta, që në brendi të saj mban super-dhuratën. Lexuesit e “Zërit” tashmë janë mësuar me gazetën dhe me lojën, andaj kërkesë e tyre është që loja të vazhdojë.

Enver Maliqi, punëtor, thotë se është lexues i rregullt i gazetave dhe sidomos nuk lë ditë pa e lexuar gazetën “Zëri”. Ai thotë se Loja e Madhe Shpërblyese po u sjell kënaqësi lexuesve, ata e pëlqejnë lojën, andaj ajo duhet të vazhdojë edhe në të ardhmen.

Siç thekson lexuesit tjetër, Hysen Fejzullahu, me profesion mësues, gazeta “Zëri” është shumë e pasur me shkrime nga rajoni, është gazetë e paanshme dhe mbi të gjitha e përfaqëson interesin qytetar, andaj siç ka shtuar ai, për të “Zëri” mbetet gazeta më e lexueshme. Sipas Fejzullahut, Loja e Madhe Shpërblyese duhet të vazhdojë, ngase tashti lexuesit janë mësuar që “Zëri” t’i shpërblejë lexuesit.

Salih Ibrahimi, punëtor në Zvicër, që po i kalon pushimet në vendlindje, thotë se edhe në Zvicër e edhe në Kosovë është lexues i rregullt i “Zërit”, e cila i sjell plot informacione nga vendlindja. Siç ka shtuar Ibrahimi, tashti kur erdhi në Kosovë ishte fitues i një shpërblimi jo të madh, por gjithsesi të çmuar për të, andaj siç thotë ai, loja duhet të vazhdojë, ngase atë e duan lexuesit.

E. Sadiku

Objektivi vetura

Edhe lexuesit e dëshmojnë interesimin e jashtëzakonshëm për blerjen e gazetës. Njëra prej tyre është edhe Besa Caka, e cila thotë se zgjohet shumë herët për të blerë gazetën, pasi më vonë nuk po gjen, sepse po shiten afër shtëpisë së saj tek posta e madhe. Ajo thotë se ditëve të fundit po blen edhe deri në 6 ekzemplarë të gazetës, me shpresën se do të fitojë çmimin e madh. Ajo tashmë është njëra prej fitueseve të lojës shpërblyese.

Kastriote Bajrami