Ditët e fundit të vazhdimit të lojës së madhe të shpërblyese të gazetës më të mirë në treg, siç e cilësojnë lexuesit, janë duke u përcjellë me emocione të mëdha.

Përveç lexuesve që kanë fjalë të mira për “Zërin” edhe shitësit e shumtë të kryeqytetit të Kosovës, Prishtinës, janë të kënaqur me atë që e ofron kjo e përditshme.

Përveç kësaj, ata bëjnë thirrje që loja të vazhdojë sepse kjo është dëshirë e të gjithë lexuesve. Besnik Rama, shitës i gazetave, thotë që gazeta “Zëri” është më meritorja që ia vlen të shfl etohet.

“Përveç artikujve mjaft cilësorë që përmban, posedon edhe lojën e madhe shpërblyese, me të cilën arrin t’i stimulojë lexuesit e vet. Kjo është një ide mjaft e qëlluar e stafi t të gazetës, që me anë të kësaj loje ka gëzuar shumë zemra të lexuesve.

Unë në çdo mëngjes lexoj çdo faqe të gazetës, më pëlqen çdo artikull i botuar në të. Por, të them të drejtën më shumë relaksohem duke e lexuar shtojcën, ZIP”, tha z. Rama.

Hamdi Gashi, shitës tjetër gazetash në Prishtinë, thotë se “Zëri”, është gazeta që është më e kërkuara dhe e cila e para shitet në qoshkun e tij, ndërsa nuk ka ndikuar aspak loja shpërblyese që ka filluar në një gazetë rivale.

‘Zëri’ ishte dhe ka mbetur gazeta më e kërkuar në qoshkun tim. Të gjithë ekzemplarët shiten qysh në orët e hershme dhe kam kërkesa të vazhdueshme gjatë tërë ditës.

Aspak nuk ka ndikuar loja shpërblyese që ka filluar në një gazetë tjetër, sepse

‘Zëri’ shitet i pari”, është shprehur z.Gashi, i cili thotë se pasi këtyre ditëve do të ndahet edhe vetura tjetër në “Zëri”, ka bërë që lexuesit të blejnë më shumë se vetëm një ekzemplarë.

“Rrallëkush që tani e blen vetëm një ekzemplarë të ‘Zëri’-t, por të gjithë blejnë nga dy, por edhe më shumë. Duket se ethet e lojës në ‘Zëri’ janë më të forta se kurrë”, ka shtuar z.Gashi.

E njëjta situatë me shitjen e gazetave është edhe në shumicën e pikave të shitjes në kryeqytet, ku vështirë se mund të shohësh ndonjë ekzemplar të pashitur.

“Zëri”, e para në Klinë

Shumë nga shpërblimet e gazetës së tyre të preferuar “Zëri” tashmë kanë ardhur në duart e lexuesve të rregullt, ndërkaq klinasit duan që loja shpërblyese “Fito më zë” të vazhdojë edhe më tutje.

Kjo për faktin se me vetëm 30 centë shumë qytetarë të kësaj komune kanë arritur të jenë fitues të shpërblimeve të ndryshme, kurse këtë kënaqësi u ka ofruar kush tjetër përveç se gazeta e tyre e dashur “Zëri”.

Ky fakt ka bërë që kjo gazetë të jetë e para në komunën e Klin4ës, ndërkohë që lexuesit vazhdojnë të ndihen shumë komod për çdo ditë e më tepër. Një mendim të tillë, e shpreh lexuesi permanent i gazetës “Zëri” Valdet Berisha, publicist dhe gazetar nga Klina, i cili tash e një kohë të gjatë vazhdon të jetë lexues i rregullt.

Kredibilitetin kjo gazetë e ka fituar edhe në kohën kur çmimi kryesor i pjesës së parë të lojës shpërblyese pra vetura “Citroen C3”, u fitua pikërisht nga një vendëse nga Klina.

Gjithashtu edhe lexuesi tjetër i kësaj gazete, Halit Kryeziu, sikur edhe shumë lexues, pyet se nëse “Zëri” do ta përfundojë lojën shpërblyese duke bërë lutje që kjo lojë të vazhdojë, sepse ai ka qenë fitues i disa herë radhazi të shpërblimeve të gazetës, duke fituar dy herë nga 5 euro mbushje të Valës.

Kryeziu është i mendimit se loja duhet të vazhdojë, kurse shpreh shumë admirim edhe për gazetën, sepse sipas tij, ai ka çka të lexon në “Zëri” duke u nisur nga zhvillimet kryesore politike e deri në materialet tjera që po e begatojnë edhe më shumë këtë gazetë.

Ndryshe, edhe shitësit e gazetave në këtë komunë tregojnë se “Zëri” tashmë është i pari në Klinë, dhe shtojnë se përkundër asaj se edhe disa gazeta tjera kanë filluar ta kopjojnë “Zërin”, ai vazhdon ta ketë primatin e gazetës më të dashur për qytetarët klinas.

Të gjithë e duan veturën

Të gëzuar dhe të lumtur për atë që po u ofron gazeta “Zëri” janë të gjithë lexuesit e saj nga Prishtina. Ata janë plotësisht të bindur se “Zëri” është gazeta më e paanshme në treg, dhe se pa asnjë dilemë e meriton epitetin e gazetës më të mirë.

Hasan Zeka është një lexues i rregullt i gazetës. Ai pohon se që nga fillimi i botimit të saj, e deri më sot kjo gazetë gjithnjë ka sjellë risi dhe shkrime cilësore.

‘Zërin’ e marrë vite me radhë, dhe ajo asnjëherë nuk më ka zhgënjyer, e sidomos kohën e fundit, ku pa asnjë diskutim është zë kritik kundër të gjitha elementeve negative me të cilat po përballet vendi ynë.

Ajo vazhdon gjithmonë të sjellë risi, e fundit dhe mjaft e qëlluar është shtojca e enigmatikës, e cila përveç dizajnit të mrekullueshëm, ofron edhe artikuj relaksues dhe të qëlluar për ditët e vikendit”, tha ai.

Për lojën shpërblyese ai thotë se është gjëja më e mirë që mund t’u ofrohet lexuesve të rregullt dhe ajo patjetër duhet që të vazhdojë. “Që nga fillimi i lojës së madhe shpërblyese e shoh që njerëzit janë duke e blerë me të madhe gazetën.

E pse të mos e blejnë kur kjo është e gazeta e parë që e ofroi një gjë të tillë, ndonëse filloi të kopjohet nga një e përditshme tjetër. Pra, lexuesi përveç shkrime të shumta, dhe rubrikave të mrekullueshme, mund edhe të jetë fitues i ndonjë shpërblimi”, shtoi z. Zeka, i cili shpreson që në këto ditët e fundit të jetë fitues i shpërblimit kryesor, veturës “Citroen C3”.

Gëzim Jakupi, është një mërgimtar i cili këto ditë gjendet në Prishtinë, te të afërmit e tij. Ai deklaron se edhe në Gjermani, ku jeton e vepron, e blen “Zërin” vazhdimisht.

“Mos e merrni vetëm si lëvdatë, edhe që dëshiroj t’ua bëj qejfin, po vërtet ‘Zëri’ është gazeta më e mirë shqiptare në diasporë. Përveç që e përcjell aktivitetin e diasporës dhe atë e pasqyron në mënyrë më të mirë të mundshme, ajo na ofron edhe lajme dhe shkrime cilësore për atë që po ndodh në vendlindjen tonë, Kosovën.

Andaj, vetëm ju jap kurajë që të vazhdoni edhe të ardhmen kështu, se thjesht jeni më të mirët”, tha në fund z. Jakupi, i cili madje gjatë këtyre ditëve të qëndrimit në vendlindje ishte edhe fitues i disa shpërblimeve, të cilat u dha të afërmeve të tij.

Ai shpreson, që gjatë këtyre ditëve vijuese, sa do të jetë në Kosovë, të jetë fitues i veturës dhe këtë t’ia dhurojë nipit të tij, të cilin e do aq shumë.