Vazhdimi i lojës së madhe shpërblyese të “Zërit” përfundon këtë javë. Por, ju lexues dhe adhurues të gazetës sonë mos u dëshpëroni se stafi menaxhues i kësaj të përditshme është duke përgatitur befasi të reja për ju.

Këtë javë është dhe mundësia e fundit për fitimin e qindra të shpërblimeve të mbetura në mesin e të cilave dhe “ëmbëlsira” e kësaj loje, vetura “Citroen C3”.

Shumica e prishtinasve të anketuar ishin nën ethe dhe të gjithë pohuan se dëshirojnë ta fitojnë automobilin. Por, vetëm një fatlum do ta ketë rastin ta shijojë këtë kënaqësi.

Fatmir Gashi pohon që gazeta “Zëri” është ajo që më së shumti po ofron për të gjithë banorët e Kosovës. “Nga të gjitha gazetat momentale në treg, ‘Zëri’ është më e mira dhe ajo që më së shumti po ofron, si shpërblime të shumta, ashtu edhe shkrime të mjaftueshme dhe cilësore”, tha z. Gashi.

Lidhur me fitimin e mundshëm të veturës ai tha: “Kam shpresë se unë do të jem fitues, sepse deri më tani kam fituar disa shpërblime të dhëna nga kjo gazetë, andaj jam i bindur do ta fitoj edhe veturën”, tha Fatmiri.

Ai potencon se faqet e kulturës dhe ato të opinioneve janë ato që më së shumti i lexon.

“Të gjitha faqet e gazetës janë të mbushura me artikuj të mirë, por mua më së shumti më pëlqejnë faqet e kulturës dhe ato të opinioneve, e sidomos ato të opinioneve, pasi që këtu analistët mund të shprehin lirshëm mendimin e tyre, dhe kur kësaj i shtojmë edhe faktin që kjo është gazetë e paanshme dhe e cila i trajton problemet e të gjithë qytetarëve pa dallim, atëherë është më se evidente që e meriton pa asnjë diskutim epitetin e gazetës më të mirë, që momentalisht është në treg”, përfundoi ai.

Edhe Afërdita Hasani është “qind për qind e sigurt” se do ta fitojë veturën. “Gazeta ‘Zëri’ është ajo që gjithmonë është e pranishme në shtëpinë time. E blej çdo ditë, dhe ajo tashmë është bërë pjesë e pandashme e përditshmërisë sime”, tha ajo. Ajo shprehu dëshirë që loja të vazhdojë se “thjesht nuk mundemi pa të”.

“Loja shpërblyese e gazetës më të dashur nga shumica e banorëve të Kosovës dhe jashtë saj, duhet patjetër të vazhdojë se jemi mësuar dhe nuk mundemi pa të, andaj merreni parasysh këtë dëshirë tonën dhe vazhdojeni. Sa i përket veturës, unë jam e bindur se do ta fitoj atë, sepse kam shumë fat në jetë dhe besoj që do të kem edhe kësaj radhe”, tha ajo.

Edhe banorët tjerë të Prishtinës shprehën kërkesën që loja të vazhdojë dhe paraqitën dëshirën të jenë fitues të veturës.

Gjilanasit: loja të vazhdojë

E.Sadiku. Dy herë i ka buzëqeshur fati që të jetë fitues në lojën e madhe shpërblyese të gazetës “Zëri” e Naim Sadiku, mësimdhënës do ta kërkojë fatin edhe në numrin e ardhshëm të kësaj gazete, pra me shpresë se do ta fitojë super preminë-veturën “Citroen C3”, kurse kërkesë e tij, por edhe e shumë gjilanasve, është që loja të vazhdojë, bile edhe me shpërblime edhe më të mëdha.

Naimi është lexues i rregullt i gazetës “Zëri”, sidomos të rubrikave që kanë të bëjnë me arsimin dhe me sportin, kurse ai thotë se do t’i mbetet besnik kësaj gazete, përderisa i ofron kënaqësi.

Hevzi Murseli, punëtor, thotë se sa herë që vjen në qytet nuk e lë pa e marrë gazetën “Zëri”, të cilën e lexon me ëndje e sipas tij edhe loja e madhe shpërblyese po e ngjall kërshërinë e lexuesve, andaj edhe ai i bashkëngjitet vargut të kërkesave që loja të vazhdojë edhe në të ardhmen.

Mijëra lexues të rinj që ka mbledhur “Zëri” edhe gjatë kësaj vere në kohë pushimesh nuk pranë së kërkuari gazetën e tyre të dëshiruar e atyre iu bashkëngjitën edhe mërgimtarët, të cilët kaluan pushimet në vendlindje.

Ramiz Mahmuti, punëtor në Zvicër, thotë se prejse është në Kosovë, për çdo ditë është lexues i rregullt i gazetës “Zëri” dhe se atë do ta lexojë edhe kur të kthehet në Zvicër, ngase sipas tij, më herët e lexonte atë kohë pas kohe, tashti është mishëruar me të dhe nuk lë ditë pa e lexuar.

Shitësit e gazetave në çdo cep të Gjilanit japin shifra që për çdo ditë shënojnë rritje të interesimit për gazetën “Zëri”, shifra këto që sidomos po shtohen këto ditë ku është paralajmëruar finalja e edicionit të dytë të lojës shpërblyese, kur do të jepet vetura.

Sipas tyre, lexuesit janë mësuar me lojën, andaj kërkesë e tyre është që ajo të vazhdojë edhe në të ardhmen e “Zëri” që gjithmonë e ka mbajtur premtimin besohet se edhe kësaj here do të jetë përkrah kërkesave të lexuesve.

Në Sharr trefishohet numri i lexuesve

S. Kryeziu. Sipas Qamil Hasanit, shitës i gazetave në qoshkun kryesor të qytezës së Sharrit, kohëve të fundit është trefishuar numri i lexuesve në këtë komunë, me tendencë të rritjes së mëtejme.

“E tëra kjo është arritur falë fizionomisë të gazetës, e cila është pasuruar me rubrika të reja, si dhe tema interesante, të cilat i joshin lexuesit e të gjitha moshave, duke filluar nga më të vegjlit e deri te më të moshuarit”, ka vlerësuar Hasani, për të shtuar se padyshim që edhe loja shpërblyese e ka bërë të veten, ngase duke e blerë gazetën mund të provosh edhe fatin, me shpërblime të ndryshme, deri te më atraktivet.

Për këtë arsye, të gjithë lexuesit gjatë blerjes se gazetës shprehin dëshirën e tyre që loja kurrsesi nuk bën të përfundojë, përkundrazi, ajo duhet të pasurohet me shpërblime të tjera, thekson Hasani.

Nail Dauti, maturant i gjimnazit “Ruzhdi Berisha”, i cili, siç shprehet, edhe më parë ka qenë lexues i “Zërit”, por jo edhe i rregullt, ndërkaq tani mezi pret që të arrijë kjo gazetë, ngase në këtë qytezë, për shkak të largësisë së madhe dhe transportit të papërshtatshëm, ajo vjen më vonë se në të gjitha rajonet tjera të vendit.

“Laramania e temave interesante, si dhe loja shpërblyese, e kanë vënë këtë gazetë në vendin e parë për kah lexueshmëria. Dorën në zemër, edhe loja shpërblyese ka kontribuar në këtë drejtim, ngase me 30 centë edhe po e lexoj gazetën, edhe po e provoj fatin, duke pritur për çdo ditë se edhe mua mund të më buzëqesh fati. Loja nuk duhet të ndërpritet, ngase në atë mënyrë do të zhgënjeheshin lexuesit, aq më tepër kur tani kanë filluar edhe gazetat tjera për ta imituar ‘Zërin’, gazetë kjo e cila për herë të parë në vend e solli këtë risi për lexuesit e saj.

Përafërsisht ngjashëm është shprehur edhe Agim Kryeziu, student, i cili i porosit drejtuesit e kësaj gazete që të mos e ndërpresin lojën shpërblyese, por ta pasurojnë më shpërblime të reja.