Janë dhënë me mijëra shpërblime nga më të ndryshmet të cilat janë dhuruar gjatë këtyre muajve të fundit në lojën e madhe shpërblyese e organizuar nga gazeta “Zëri”, ndërsa loja nuk ka përfunduar, por vazhdon edhe më e fuqishme, duke u sjellë lexuesve të vet besnikë edhe mijëra shpërblime të tjera edhe më interesante dhe më të vlefshme.

Pjesa e tretë e lojës së madhe shpërblyese, e cila ka startuar nga 15 shtatori, sjell shumë befasi të këndshme për lexuesit e saj, të cilët deri në fund të vitit do të mund të fitojnë shpërblime të ndryshme si telefona mobilë iPhone 4 nga EuroPrinty, DVD Player, Sony Playstation, kuponë me vlerë 50 euro nga Minimax, kartela banke me të holla në vlerë 20, 200 dhe 500 euro nga Banka Ekonomike, abonime 6 mujore në qendrën e fitnesit “GymPrishtina”, mbushje telefoni në vlerë 5 euro nga Vala si dhe shpërblimi kryesor, vetura e re Peugeot 206 nga “Mercom Company”.

Kishte besuar se do të fitojë

Dhe tashmë shumë lexues u janë gëzuar disa prej këtyre shpërblimeve, por më i vlefshmi deri më tani në pjesën e tretë të lojës, vjen për Mërgim Mustafën, i cili është bërë fituesi i parë i njërit nga 15 telefonat iPhone 4, sa do të jepen deri në fund të lojës nga ‘Zëri” dhe “EuroPrinty”.

Mërgimit i ka buzëqeshur fati në mëngjes, kur si zakonisht e blen gazetën. Ai thotë se është lexues i rregullt i gazetës “Zëri”, dhe më së shumti e pëlqen rubrikën e sportit, pasi është i dhënë pas tij. Ai ka shtuar se qëkur ka filluar loja shpërblyese, ai ka shpresuar të fitojë ndonjë çmim, pasi ka besuar në sinqeritetin e lojës.

“Unë që nga fillimi jam një lexues i rregullt i gazetës, sepse më pëlqen për shkak të përmbajtjes që ka, por do ta dalloja sportin, pasi jam adhurues i tij. Qysh prej se ka filluar loja shpërblyese, kam besuar se do të fitoj ndonjë shpërblim, pasi kam besuar në sinqeritetin e lojës”, është shprehur Mërgimi.

Ai ndjehet mjaft i lumtur për këtë shpërblim të madh dhe shpreh falënderimin për gazetën, ndërsa thotë se loja shpërblyese ka qenë vendim i duhur i gazetës. “Që nga fillimi kam pasur besimin se do të fitoj ndonjë çmim dhe ja ky besim i imi më është shpaguar. Dua ta falënderoj gazetën ‘Zëri’ për këtë shpërblim të mrekullueshëm dhe është vendim i qëlluar për organizimin e kësaj loje”, ka theksuar Mërgimi, për të shtuar se edhe gazetat tjera po mundohen ta kopjojnë ‘Zërin” me lojën, por prapë “Zëri” mbetet më i miri dhe me çmimet më të mira. “Edhe pse të tjerët po mundohen të kopjojnë gazetën ‘Zëri’, kjo është e kotë, sepse ‘Zëri’ mbetet gazeta më e mirë në Kosovë”, ka përfunduar ai.

“Zëri”, i besueshëm dhe konkret

Malishevë. Fatmir Morina, shpërndarësi kryesor i gazetave, vazhdon të njoftojë për stabilitetin e gazetës “Zëri” në Malishevë, e cila vazhdon të mbetet ndër dy gazetat kryesore në këtë komunë. “Vazhdimisht, gjatë vitit të fundit “Zëri” është i pari apo i dyti duke qenë kështu gazeta më stabile në këtë komunë”, shprehet Morina përderisa tregon raportin e shitjes.

Për lexuesit, ndërkaq, “Zëri” vazhdon të jetë i besueshëm, konkret dhe gazetë e kujdesshme. Hamdi Mazreku nga Malisheva, një lexues i vjetër i gazetës, bën të ditur se vazhdon të mbetet lexues besnik i saj. “Si gazetë e çmoj shumë, është shumë konkrete, është më e kujdesshme, më e besueshme”, thotë Mazreku, duke u shprehur se do të donte të lexonte më shumë tema nga fusha e arsimit.

“Kultura më pëlqen shumë dhe e lexoj me ëndje kurse pres të ketë më shumë tema nga fusha e arsimit”, përfundon Hamdiu, përderisa shprehet se gazetën e ka blerë dhe e ka lexuar edhe kur nuk ka pas lojë shpërblyese. Hasim Krasniqi, një lexues tjetër nga Drenofci shprehet të jetë po ashtu lexues i rregullt. “Krahas që njoftohem për ngjarjet në komunë dhe vend, interesante dhe atraktive më duket edhe loja shpërblyese e cila është bërë mirë që do të vazhdojë edhe më tej”, thotë Hasimi, duke bërë të ditur se gazetën e blen dhe e lexon edhe në perëndim.

Driton Berisha nga ana tjetër shprehet se “Zërin” krahas tij e lexojnë edhe në familje. “Pasi e blej, e gërvishti kuponin që të shoh nëse ka diçka nga loja shpërblyese kurse e lexoj në orët e mbrëmjes atëherë kur të shkoj në shtëpi dhe jam i qetë nga punët ditore”, thotë ai duke bërë të ditur se i ka ndodhur ndonjëherë të harrojë gazetën por i është dashur që ta kërkojë të nesërmen. “Nëse harroj ta blej gazetën atëherë më duhet të nesërmen ta kërkoj pasi në familje leximi i kësaj gazete është bërë rutinë”, përfundon Berisha.

Nuhi Krasniqi

*

Gazetë për të gjitha moshat

Sharr. Atë që ka mundur ta arrijë “Zëri” brenda një kohe kaq të shkurtër, nuk ka mundur ta arrijë më parë asnjë e përditshme tjetër në vend, pohon shitësi i gazetave në një qoshk të qytezës së Sharrit, Gëzim Mustafa. Sipas tij, nuk është vetëm loja, ajo që e ka ngritur në këtë nivel këtë gazetë, ngase lexuesit shprehen të kënaqur edhe për faktin se kjo e përditshme u ofron lexuesve informacione interesante nga shumë lëmi të jetës, dhe atë në mënyrë shumë interesante dhe joshëse për lexuesit e të gjitha moshave, duke filluar nga më të vegjlit e deri tek më të moshuarit.

Dorën në zemër, edhe loja e ka bërë të vetën, ngase lexuesit, pos leximit të saj, edhe mund ta provojnë fatin e tyre, ngase aq shumë shpërblime që janë mund të prekin shumë lexues. Edhe Sadik Zejnullahu, sociolog, është shprehur se ndonëse më parë nuk ka qenë lexues i rregullt i kësaj gazete, tashmë nuk e lëshon asnjë numër, ngase, siç thotë ai, aty mund të gjejë shumë informacione interesante, si për të rinjtë ashtu edhe për lexuesit e të gjitha moshave tjera.

“Më duhet të pranoj se kur e gërvishti kuponin, për çdo ditë shpresoj se edhe unë mund të jem një ditë fitues i ndonjë shpërblimi më të madh. Fundja, dua ta provoj fatin, ndonëse kurrë më parë nuk i kam luajtur lojërat e fatit”, pohon Zejnullahu. Edhe Bedri Neziri, me punë të përkohshme në botën e jashtme, shprehet i kënaqur me fizionominë e “Zërit”. “Aty mund të gjesh rubrika interesante, si dhe tema nga shumë fusha të jetës, të shkruara me guxim dhe pa ekuivokë. I uroj sukses stafit redaktues, duke iu dëshiruar që edhe në të ardhmen të vazhdojnë guximshëm për t’i informuar lexuesit drejt e saktë dhe pa ia mbajtur anën askujt”, ka thënë Neziri.

S. Kryeziu

“Zërin” po e kopjojnë të tjerët, por mbetet më i miri

“Që nga fillimi e kam pasur besimin se do të fitoj ndonjë çmim dhe ja ky besim i imi më është shpaguar. Dua ta falënderoj gazetën ‘Zëri’ për këtë shpërblim të mrekullueshëm dhe është vendim i qëlluar për organizimin e kësaj loje”, ka theksuar Mërgimi, për të shtuar se edhe gazetat tjera po mundohen ta kopjojnë ‘Zërin” me lojën, por prapë “Zëri” mbetet më i miri dhe me çmimet më të mira. “Edhe pse të tjerët po mundohen të kopjojnë gazetën ‘Zëri’, kjo është e kotë, sepse ‘Zëri’ mbetet gazeta më e mirë në Kosovë”, ka përfunduar ai.